Հայտարարության մեջ ասվում է. «Մեր ապագա գոյատևումը ապահովելու համար Wikileaks-ը ստիպված է ժամանակավորապես դադարեցնել իր գործունեությունը և ակտիվորեն սկսում է ֆինանսական միջոցների հավաքագրում շրջափակման և իր թշնամիների դեմ պայքարելու համար»:

Wikileaks-ի ֆինանսական խնդիրները սկսվեցին անցյալ տարվա դեկտեմբերի 7-ից, երբ Ամերիկայի Բանկը, Վիզան, Մաստերքարտը, Փեյփալը և Վեսթերն Յունիոնը հրաժարվեցին նվիրատվություններ ընդունել Wikileaks-ի հաշվին:

«Այս ապօրինի ֆինանսական շրջափակումը կործանեց կայքի եկամուտների 95%-ը», - ասում է Ասանժը:

«Մենք հակամենաշնորհային հայց ենք ներկայացրել Եվրոպական հանձնաժողովին և նոյեմբերի մեջ սպասում ենք պատասխանի՝ արդյոք Մրցակցության հարցերով զբաղվող եվրոպական մարմինը հետաքննություն կսկսի Վիզայի և Մաստերքարտի գործողությունները բացահայտելու ուղղությամբ»:

Այսօր Wikileaks-ը նոր կայք է բացել, որի միջոցով մարդիկ կարող են գումար նվիրաբերել:

Աղբյուր` The Telegraph