Հարգելի գործընկերներ, եթե 2012 թ. մայիսի 6-ին կայանալիք խորհրդարանական ընտրությունների լուսաբանման ընթացքում խախտվեն ձեր իրավունքները, զանգահարեք ԽԱՊԿ «Թեժ գծի» հեռախոսահամարներով' (010) 53-38-95, (093) 10-70-85, կամ գրեք մեր էլեկտրոնային փոստի` info.cpfe@gmail.com հասցեով:

Մեր արագ արձագանքման խումբը տեղում կուսումնասիրի ստացված ահազանգերը եւ կձեռնարկի համապատասխան միջոցներ: 

Խոսքի ազատության պաշտպանության կոմիտեի հաղորդագրություն

Լուսաբանումների քանակն` ըստ կուսակցությունների

Մայիսի 3-ին «Լրագրողներ հանուն ապագայի» ՀԿ-ը ներկայացրեց ՀՀ 2012թ. խորհրդարանական ընտրությունների լուսաբանման վերաբերյալ Հայաստանի առցանց ԶԼՄ-ների մշտադիտարկման միջանկյալ հաշվետվությունը (2012թ. փետրվարի 6 – ապրիլի 18 ժամանակահատվածի համար):

Սույն ծրագիրն իրականացվում է Բաց հասարակության հիմնադրամներ – Հայաստան կազմակերպության օժանդակությամբ:

Հետազոտության նպատակն է արձանագրել հայաստանյան առցանց ԶԼՄ­-ների աշխատանքային գործընթացը ընտրություններին վերաբերող լուսաբանումների տեսանկյունից` նախընտրական 3 ամիսների և հետընտրական 1 ամսվա ընթացքում:

Մշտադիտարկման մեթոդոլոգիան հիմնված է քանակական և որակական ցուցանիշների վերլուծության վրա: Ցուցանիշների համար հիմք են հանդիսանում դիտորդների կողմից արձանագրվող տվյալները` մշակված գործիքակազմին համապատասխան:

Մշտադիտարկման օբյեկտների կազմի մեջ են 10 առցանց հայկական ԶԼՄ, որոնք գործունեություն են ծավալում լրատվական դաշտում և պարբերաբար անդրադառնում են ընտրությունների թեմային. www.1in.am, www.7or.am, www.a1plus.am, www.azatutyun.am, www.civilnet.tv, www.lragir.am, www.news.am, www.tert.am, www.panarmenian.net, www.panorama.am:

Բրիտանացի մեդիա փորձագետ Կիթ Հայես

Ո՞րն է ամենակարևոր հարցը, որ կտայիք պատգամավորության թեկնածու կին քաղաքական գործչին: Բրիտանացի մեդիա փորձագետ Կիթ Հայեսի այս հարցին հայ լրագրողներն ունեն իրենց տարբերակները: Կիթ Հայեսը նկատում է, բոլորն էլ կիրառելի և ընդունելի են և հիշեցնում է, առաջին հարցից է կախված, թե ինչպես կընթանա ողջ հարզազրույցը:

Բրիտանական խորհրդի հրավերով Հայաստան էր այցելել բրիտանացի մեդիա փորձագետ Կիթ Հայեսը: «Նա/Նե» 5-րդ հոբելյանական մրցանակաբաշխության նախապատրաստական աշխատանքների շրջանակում Կիթ Հայեսը թեյի սեղանի շուրջ հանդիպել էր հայ լրագրողների հետ' նրանց ներկայացնելու գենդերային քաղաքականության ու ընտրություններում կանանց ներգրավվածության հարցերի լուսաբանման Մեծ Բրիտանիայի փորձը:

«Իրական հավասարությունը գալիս է այն ժամանակ, երբ ընթերցողը պատմությունը կարդալիս չի տարբերակի այն կնոջ, թե տղամարդու մասին է: Կին թեկնածուները կարևոր նշանակություն ունեն, քանի որ գալիս են կոտրելու կարծրատիպերը, սակայն մարդիկ պարտավոր չեն նրանց ընտրել միայն այն պատճառով. որ կին են, այլ թե ինչ գաղափարներ ու ծրագրեր ունեն, ինչպիսին են նրանք տեսնում երկրի ապագան: Զերծ մնացեք կարծարտիպերի ազդեցությունից»,- խորհուրդ է տալիս Կիթ Հայեսը:

Քաղաքացիական լրագրության հարթակը հրավիրում է համագործակցության երիտասարդ և ակտիվ լրագրողների/ուսանողների, բլոգերների, որոնք բնակվում են Երևանի համայնքներում:

- Եթե դուք անտարբեր չեք ձեր համայնքի անցուդարձին և ուզում եք բացահայտել ձեր թաղի պատմությունները և կիսվել ուրիշների հետ

- Ուզում եք իմանալ, թե ինչպես գրել համացանցի լսարանի համար

- Ուզում եք սովորել, թե ինչպես ստեղծել մուլտիմեդիա (տարբեր տեսակի բովանդակությունից բաղկացած տեքստ, աուդիո, վիդեո, ֆոտո և այլն) ռեպորտաժներ

- Ուզում եք փորձ ձեռք բերել, հետագայում ձեր մասնագիտական պորտֆոլիոն ստեղծելու համար

ապա դիմեք infotagh@gmail.com, ուղարկելով ձեր CV-ին և կարճ (մինչև 300 բառ) պատմություն ձեր համայնքի/բակի մասին:

Deutsche Welle

«Արագ» ԶԼՄ-ների և ավանդական լրագրության միջև մրցակցությունը վաղուց անցյալում է: Միավորումը, համախմբումը այսօրվա մեդիայի հիմնարար բառն է: Տեղեկատվության հոսքի աճող արագությունը ձևավորում է նոր և բազմազան պահանջարկ բովանդակության հանդեպ, որը կարելի է բավարարել միայն առկա տեղեկատվությունը վերամշակելով` համացանցի համար:

Deutsche Welle – ալիքի գագաթին

«Ինչպիսի՞ն է ռադիոյի ապագան», - հարցնում եմ «Գերմանական ալիքի» առցանց տարբերակի խմբագիր Գիդո Բաումհաուերից: «Ինչի՞ մասին է խոսքը», - ժպիտով հարցնում է նա: Այնպիսի հասկացություն, ինչպիսին է ռադիոն, ըստ խմբագրի վաղուց գոյություն չունի: «Ավանդական ռադիոն ակտուալ է միայն այնպիսի երկրներում, որտեղ համացանցը զարգացած չէ, օրինակ՝ Աֆղանստանում», - ասում է Բաումհաուերը:

Այդպես էլ «Գերմանական ալիքը», որը հիմնադրվել է 1953 թվականին և որը հեռարձակվել է 30 լեզվով, արդեն այդքան էլ ռադիո չէ: 1994 թվականին ռադիոկայանը հեղափոխական որոշում կայացրեց. սկսել հեռարձակումը համացանցում, ինչը շատ մասնագետների համար այն ժամանակ ցնդաբանություն էր թվում:

Հայր Թովմա աբեղա Խաչատրյան

Կուսակրոն քահանայի ուղին ընտրած Հայր Թովմա աբեղա Խաչատրյանը սկզբում ուզում էր ընդունվել Երևանի Կոմիտասի անվան կոնսերվատորիայի ժողգործիքների բաժինը, սակայն իր հոր որոշմամբ  սկսեց պարապել ճեմարան ընդունվելու համար: Նա սիրեց եկեղեցական կյանքը՝ ծեսերը, սաղմոսները և այլն:

Քահանան 24 տարեկան է և ծնվել է Չարենցավան քաղաքում:

Հեղինակ` Արմինե Քոչարյան

Այս մուլտիմեդիա նախագիծը Արմինեն պատրաստել է JNews.am խմբագրությունում արտադրական պրակտիկայի ժամանակ

Աղբյուր` JNews.am