The spam filter installed on this site is currently unavailable. Per site policy, we are unable to accept new submissions until that problem is resolved. Please try resubmitting the form in a couple of minutes.
Թուրքիա
Մարտ 24, 2016
Մամուլի միջազգային ինստիտուտը կոչ է անում թուրքական իշխանություններին հարգել մամուլի ազատությունը
IPI logo

Մամուլի միջազգային ինստիտուտը (IPI) հորդորել է Թուրքիային դադարեցնել անկախ ԶԼՄ-ների և այլախոհության նկատմամբ աճող հետապնդումները և հակաահաբեկչական օրենքները չարաշահելով` թիրախավորել և բանտարկել հանրային հետաքրքրության թեմաներ լուսաբանող լրագրողներին:

IPI-ի պահանջն է վերջ տալ նաև զրպարտության մասին օրենքների չարաշահմանը, որոնք միտված են լռեցնելու նախագահ Ռեջեփ Թայիփ Էրդողանի և նրա քաղաքականության մասին ցանկացած քննադատություն:

«Ինստիտուտի անդամները հորդորում են Թուրքիայի իշխանություններին հավատարիմ մնալ երկրի Սահմանադրությանը տված երդմանը  և հարգել Թուրքիայի Սահմանադրական դատարանի` մարդու իրավունքների պաշտպանությանն ուղղված որոշումները՝ ներառյալ «Ջումհյուրիեթ» (Cumhuriiyet) օրաթերթի խմբագիրներին ազատելու մասին վերջին որոշումը: Նրանք նաև կոչ են անում Թուրքիայի իշխանություններին անհապաղ դադարեցնել այն խմբագիրների ու լրագրողների դեմ բացված քրեական գործերը, ովքեր թիրախավորվել են իրենց աշխատանքը կատարելու համար, և ազատել այն բոլոր լրագրողներին, ովքեր բանտարկվել են լրագրությամբ զբաղվելու համար»,- ասված է 2016 թվականի մարտի 21-ին Քաթարի մայրաքաղաք Դոհայում տեղի ունեցած IPI-ի միջազգային համաժողովի  գրավոր հայտարարությունում:

IPI-ի անդամները կոչ են արել նաև վերջ տալ թուրքական իշխանությունների կողմից իրավական դրույթների, մասնավորապես հակաահաբեկչական և վիրավորանքի/զրպարտության մասին օրենքների չարաշահումներին՝ այլախոհներին պատժելիս և կառավարությանը քննադատողներին հետապնդելիս, ինչպես նաև զերծ մնալ լուրերի լուսաբանման գործում լրագրողների վրա ճնշումներ գործադրելուց:

Մամուլի միջազգային ինստիտուտը նաև հորդորել է Թուրքիային և թուրք ժողովրդին չընդունել երկրի Սահմանադրությանն առնչվող այնպիսի փոփոխությունների առաջարկներ, որոնք կհակասեն Թուրքիայի պարտականություններին` աջակցելու մամուլի ազատությանը և ազատ խոսքի արտահայտմանը, կամ, որոնք ինչ որ կերպ կսահմանափակեն քաղաքացիների տեղեկատվություն ստանալու իրավունքը քվեատուփի մոտ ճիշտ որոշում կայացնելու և իշխանությունների  հաշվետվողականությունն ապահովելու համար:

Աղբյուր` Hurriyetdailynews.com 

Share
Printer-friendly version
PDF version

Թեմատիկ նյութեր

Մեկնաբանություններ

Մեկնաբանել