Ինտերնյուս»-ը աշխատանքի է հրավիրում որակավորված եւ փորձառու լրագրողի՝ Media.am (www.media.am) կայքի խմբագրությունում աշխատելու համար։ 

Աշխատանքի նկարագրություն`

• գրել վերլուծական եւ քննադատական հոդվածներ Հայաստանի լրատվական դաշտում առկա տարբեր հարցերի/խնդիրների մասին,
• պատրաստել մուլտիմեդիա պատմություններ լրատվական դաշտում տեղի ունեցող իրադարձությունների եւ զարգացումների մասին,
• մասնակցել համապատասխան միջոցառումների, իրականացնել հարցազրույցներ, գրել, խմբագրել եւ ներբեռնել բովանդակությունը կայքում,
• համակարգել «Ինտերնյուս»-ի ներկայությունը սոցիալական ցանցերում,
• սերտորեն համագործակցել խմբագրական կազմի հետ՝ աջակցելու լրացուցիչ պարտականությունների կատարման գործում։    

Անհրաժեշտ մասնագիտական և աշխատանքային հմտություններ`

• բարձրագույն կրթություն եւ առնվազն երեք տարվա աշխատանքային փորձ լրագրության, մեդիա եւ արվեստի քննադատության կամ համապատասխան այլ ոլորտներում,
• լրատվական դաշտում առկա խնդիրների մասին լավ իմացություն,
• նորություններ գրելու եւ խմբագրելու գերազանց հմտություններ,
• սոցիալական ցանցերում աշխատելու լավ իմացություն,
• կազմակերպչական ու հաղորդակցման գերազանց ունակություններ, բանավոր եւ գրավոր հայերենի գերազանց իմացություն: Անգլերենի եւ ռուսերենի իմացությունը ցանկալի է, 
• թիմային աշխատանքում ընդգրկվելու եւ ինքնուրույն ու արդյունավետ աշխատելու կարողություն, ստեղծագործ շարադրանքի ունակություն, ժամանակի արդյունավետ կառավարման ունակություն,
• մուլտիմեդիա բովանդակության հետ աշխատելու եւ կայքերի համար աուդիո ու վիդեո նյութեր պատրաստելու փորձը ցանկալի է։

Հայտերը ներկայացնելու վերջնաժամկետն է 2011 թվականի հոկտեմբերի 12-ը

Հայտերը՝ հայերեն ինքնակենսագրությունը եւ հետաքրքրվածության նամակը, ուղարկել gegham[at]internews.am էլեկտրոնային հասցեին։