The spam filter installed on this site is currently unavailable. Per site policy, we are unable to accept new submissions until that problem is resolved. Please try resubmitting the form in a couple of minutes.
ԼՀԱ Լուրեր
Դեկտեմբեր 23, 2013
Կայացավ «Լավագույնը ցանցում» ուղեցույցի շնորհանդեսը
Կայացավ «Լավագույնը ցանցում» ուղեցույցի  շնորհանդեսը

Դեկտեմբերի 23-ին «Էրեբունի Պլազա» բիզնես կենտրոնում տեղի ունեցավ «Լավագույնը ցանցում» առցանց լրագրողի ուղեցույցի շնորհանդեսը` հրատարակված «Լրագրողներ հանուն ապագայի» ՀԿ կողմից եւ ԵԱՀԿ երեւանյան գրասենյակի աջակցությամբ:

Ուղեցույցը լրագրողներին եւ քաղաքացիական թղթակիցներին տրամադրում է լրագրողական, իրավական եւ տեխնիկական գիտելիքներ համացանցի հնարավորություններից գրագետ օգտվելու եւ տեղեկատվական անվտանգությունը պատշաճ ձեւով կազմակերպելու համար:

Այն բաղկացած է վեց մասից եւ ներկայացնում է փոխակերպվող լրագրության ազդեցությունը տեղեկատվության մատուցման վրա, քննարկում է թվային դարաշրջանում լրագրողի դերը եւ հուշում է առցանց տիրույթում նյութերի մատուցման նոր ձեւաչափեր:

«Ուղեցույցը նաեւ մանրամասն անդրադառնում է համացանցում ազատ արտահայտվելու սահմաններին ու հեղինակային իրավունքի պաշտպանությանը: Սա այն թեմաներն են, որոնք ակտիվ քննարկվում էին ողջ տարվա ընթացքում»,- ասում է գրքի խմբագիր եւ համահեղինակ, «Լրագրողներ հանուն ապագայի» ՀԿ նախագահ Սուրեն Դեհերյանը:

«Ակնկալում ենք, որ ուղեցույցը կիրառական նշանակություն կունենա ինչպես գործող լրագրողների, այնպես էլ ուսանողների համար, քանի որ սա աշխատանքային գործիք է, որն անհրաժեշտ է օգտագործել ամենօրյա գործունեության ընթացքում»:

Ուղեցույցի համահեղինակներ են նաեւ «Հետք» ինտերնետային թերթի փոխխմբագիր Լիանա Սայադյանը, իրավաբաններ Արա Ղազարյանը եւ Գեւորգ Հայրապետյանը, ինչպես նաեւ տեղեկատվական անվտանգության փորձագետ Սամվել Մարտիրոսյանը: Ուղեցույցի ձևավորումը Հրաչ Շահվերդյանի:

ԵԱՀԿ երեւանյան գրասենյակի ժողովրդավարացման ծրագրի ղեկավար Օլիվեր ՄակՔոյը շնորհանդեսին իր բացման խոսքում նշեց. «Ցանկանում եմ շնորհակալություն հայտնել Սուրեն Դեհերյանին եւ «Լրագրողներ հանուն ապագայի» կազմակերպությանն այս գիրքը մշակելու համար: Հաշվի առնելով, որ առցանց տիրույթը շարունակական զարգացում է ապրում` այնպիսի գործիքներ, ինչպիսին այս գիրքն է, անհրաժեշտ են, որպեսզի լրագրողները կարողանան իրազեկ լինել այդ զարգացումներին»:

Այս միջոցառմամբ ԼՀԱ-ն ամփոփեց իր «Առցանց ԶԼՄ-ների ինքնակարգավորում» ծրագիրը, որի շրջանակներում կազմակերպել էր «Առցանց ԶԼՄ-ների խնդիրներն ու մարտահրավերները Հայաստանում» երկօրյա սեմինար, ինչպես նաեւ «Հեղինակային իրավունքի հիմնախնդիրներն առցանց ԶԼՄ-ներում. օրենք եւ ինքնակարգավորում» խորագրով երեւանյան համաժողովը: Ծրագրի շրջանակներում ստեղծված փորձագիտական խումբը նաեւ ուսումնասիրել եւ առաջարկներով հանդես է եկել այս տարի Ազգային ժողովում շրջանառության մեջ դրված «Հեղինակային իրավունքի եւ հարակից իրավունքների մասին» ՀՀ օրենքում լրացումներ կատարելու մասին» ՀՀ օրենքի նախագծի վերաբերյալ, որը սեպտեմբերի 30-ին ընդունվեց միաձայն:

«Լավագույնը ցանցում» ուղեցույցն ունի նաեւ էլեկտրոնային տարբերակ, որը տեղադրված է այստեղ:

Լուսանկրաների հեղինակ Սոնա Սիմոնյան:

Միջոցառման լուսանկարները տեղադրված են ԼՀԱ-ի ֆեսյբուքյան էջում` https://www.facebook.com/jnewsarmenia:

Լրացուցիչ տեղեկությունների համար գրեք info@jnews.am էլ.հասցեով:

Share
Printer-friendly version
PDF version

Թեմատիկ նյութեր

Մեկնաբանություններ

Մեկնաբանել