Արխիվ

Հայաստանի մի շարք հասարակական կազմակերպություններ տարածել են հայտարարություն, որով դատապարտում են iLur.am կայքի լրագրողի նկատմամբ կատարված բռնությունը եւ պահանջում են իշխանություններից պատժել մեղավորներին: Ստորև ներկայացնում ենք հայտարարության ամբողջական տեքստը.«2013 թվի ապրիլի 23-ին, ժամը 17:30-ի մոտ iLur.am կայքի լրագրող Հակոբ Կարապետյանը Երեւանի Նորքի 8-րդ զանգվածի բակերից մեկում լուսաբանելիս է եղել Տարոն Մարգարյանի քարոզարշավը, երբ մի քանի հոգի նրանից պահանջել են դադարեցնել նկարահանումները: Լրագրողը բացատրել է, որ իր մասնագիտական պարտականությունն է կատարում: Ըստ լրագրողի, Երեւանի ավագանու ՀՀԿ-ական անդամ, ավագանու թեկնածու Աշոտ Պապայանը մոտեցել է իրեն եւ հայհոյելով սկսել է հարվածել լրագրողին: Նրան են միացել էլի մի քանի հոգի, սկսել են քաշքշել եւ նույնպես ...

Ուսումնասիրելով աշխատանքի առաջարկներ հրապարակող որոշ հայկական կայքեր, ակնհայտ դարձավ, որ այսօր Հայաստանում ամենապահանջված աշխատատեղերից մեկը PR մասնագետի հաստիքն է:Վերջին մի քանի տարիների ընթացքում Հայաստանում լայն շրջանառության մեջ մտավ PR (Public relations) արտահայտությունը: Այն այնքան սերտաճեց հայերիս բառապաշարին, որ սկսեց կիրառվել բոլոր պատեհ-անպատեհ առիթներով: Հայաստանում ամենատարածված սխալ ընկալումներից մեկն այն է, թե PR-ը նույն գովազդն է: Մինչդեռ PR -ն ու գովազդն իրար կապող միակ օղակն այն է, որ երկուսն էլ մարքեթինգի գործիքներն են:Առաջին պաշտոնական PR կառույցները Հայաստանում հիմնվեցին դեռ 20 տարի առաջ, բայց այս ոլորտն այնքան անհայտ էր հայերիս համար, որ գրեթե ոչ ուսումնասիրվում, ոչ էլ նպատակասլաց զարգացում էր ապրում:PR-ը, նույն ինքը «Հասարակայնության հետ ...

Գրեթե ամեն օր Մաշտոցի պուրակով քայլելիս` չեմ կարող անտարբեր անցնել Հրանտ Մաթևոսյանի արձանի կողքով, որը «Երևան» գրվածքով նստարանին նստած` կարծես ականջ է դնում իր կողքին նստածների զրույցին: Եվ ամեն անգամ ուշադրությունս սևեռում եմ` համոզվելու, որ այդ կավե արձանը «ողջ-առողջ» է և զերծ վայրագ վերաբերմունքից: Այսօր այդ օրը չէր: Եթե նախորդ ամիսներին նկատել էի կոտրած մատը, հետո կոտրած ձեռքը, մեկ ուրիշ անգամ փշրած ծունկը, որոնք մինչև մյուս կոտրելը սովորաբար վերականգնում էին, ապա այս անգամ տեսարանն էլ ավելի տխուր էր, եթե ոչ` դաժան: Լուսանկարից ավելի պատկերավոր նկարագրել տեսարանը չեմ կարող: Նմանատիպ վերաբերմունքի են արժանացել նաև «Մեր հանճարները մեր կողքին են» նախագծով նախորդ տարվանից մայրաքաղաքում հայտնված մյուս «կավե հանճարները»: Որակել դա վանդալիզմ ...

«Հանրային լրագրության ակումբ» ՀԿ-ն հրավիրում է լրագրողներին և հանրային թղթակիցներին` ապրիլի 19-21 մասնակցելու «Ընտրությունների լուսաբանում» գործնական դասընթացի:Դասընթացը նախատեսված է քաղաքացիական, հանրային թղթակիցների համար, ովքեր ցանկանում են ձեռք բերել ընտրական գործընթացը լուսաբանելու համար անհրաժեշտ գիտելիքներ եւ փորձ։Դասընթացը վարելու են փորձառու մասնագետներ (իրավաբաններ, լրագրողներ, դիտորդներ): Դասընթացի ընթացքում ձեռք բերված հմտություններն ու գիտելիքները մասնակից հանրային թղթակիցները կարող են գործնականում կիրառել նախընտրական եւ ընտրության օրերին։Դասընթացի նպատակն է մասնակիցներին ծանոթացնել ընտրական օրենսդրությանը, ընտրական գործընթացների ընթացքում արձանագրվող հնարավոր խախտումներին ու դրանց մասին ահազանգելու միջոցներին: ...

4+ Դոկումենտալ ֆոտոյի կենտրոնը հրավիրում է ֆոտոլրագրության մեջ առաջին քայլերն անող լուսանկարիչներին մասնակցելու ֆոտոլրագրող, Վորլդ պրես ֆոտոյի մրցանակակիր Էրիկ Գրիգորյանի (http://www.ericgrigorian.com/) մասնակցությամբ դասընթացին, որը տեղի կունենա ապրիլի 25-29:Դասընթացը նախատեսված է ֆոտոլրագրության/դոկումենտալ ֆոտոյի կամ լուսանկարչության բնագավառում երկու տարվա կամ պակաս փորձով, լուրերով, վավերագրական ֆոտոնախագծերով կամ փողոցային լուսանկարչությամբ (street photography) հետաքրքրվողների համար:Ֆոտոլրագրողները պատկերների միջոցով են պատմում պատմությունները: Նրանց պարտականությունը իրականությունը վիզուալ պատկերի միջոցով ներկայացնելն է:Այս քառօրյա դասընթացի նպատակը լուսանկարիչներին հուզող մի շարք հարցերի պատասխանները տալն է` ինչպե՞ս սկսել, ինչպե՞ս կառուցել ճշգրիտ ...

65-ամյա թոշակառու Լաուրա Ստեփանյանը մտահոգություն է հայտնում դեղորայքի շուկայում տիրող թանկացումների վերաբերյալ:«Մի դեղ չկա, որ թանկացած չլինի: Աստմայի, խոլեստերինի, շաքարի դեղերը... չգիտեմ էլ որն ասեմ», - բողոքում է տիկին Լաուրան: Այս տարվա թանկացումների առաջին ալիքը նա նկատել էր դեռ երկու ամիս առաջ, և այժմ էլ տեսնում է, որ 200-ից 500 դրամով թանկացել են իրեն անհրաժեշտ դեղերը:Տիկին Լաուրան արդեն 4-րդ տարի է տառապում է շաքարային դիաբետով, ասում է՝ երեխաներն են օգնում, որ կարողանա անհրաժեշտ դեղերը գնել. միայն թոշակով անհնար կլիներ:Քաղաքի դեղատներում թանկացման հստակ պատճառներ չեն նշում: «Ենթադրում ենք, որ բոլոր թանկացումներն էլ ներկրման ծախսերի հետ են կապված: Եթե, օրինակ դեղը մոտ տարածքից է ներկրվում, ինչը շատ ծախսեր չի պահանջում, հետևաբար ավելի էժան գներով է ...

39-ամյա Ռիմմա Մալյանին դուր չէր գալիս իր քթի ձևը և օրերից մի օր նա որոշեց դիմել պլաստիկ վիրաբույժի օգնությանը:«Ուզում էի ավելի նուրբ դիմագծեր ունենալ և ավելի գեղեցիկ լինել»,- նշում է Ռիմման:Քթի հաջող վիրահատությունից հետո որոշեց նաև շրթունքների ուրվագծերի ուղղում իրականացնել` կրկին վիրահատության միջոցով, դրանք ավելի ընդգծելու համար:Ռիմման ասում է, որ իր համար պլաստիկ վիրահատությունների շարքն ավարտված է, քանի որ գոհ է իր ներկայիս տեսքից: Վիրահատությունների արդյունքներից էլ է գոհ. սպասելիքներն արդարացել են, իսկ ինքնագնահատականը` բարձրացել:Համաձայն վիճակագրության` Հայաստանում ամենատարածված պլաստիկ վիրահատությունը քթի վիրահատությունն է, և քիչ չեն կանայք, ովքեր պատրաստ են վիրահատվել` պարզապես նորաձևությանը տուրք տալով:Վնասվածքաբանության և օրթոպեդիայի ...