The spam filter installed on this site is currently unavailable. Per site policy, we are unable to accept new submissions until that problem is resolved. Please try resubmitting the form in a couple of minutes.
ԼՀԱ Լուրեր
Փետրվար 15, 2013
«Նա/Նե»-ի հանրային թղթակցի առաջին տեղի մրցանակը տրվեց ԼՀԱ-ի թղթակցին
«Նա/Նե»-ի հանրային թղթակցի առաջին տեղի մրցանակը տրվեց ԼՀԱ-ի թղթակցին

«Նա/Նե» ամենամյա լրագրողական մրցանակաբաշխության հանրային թղթակցի անվանակարգում առաջին տեղի մրցանակը տրվեց «Լրագրողներ հանուն ապագայի»-ն պատկանող Ditaket.am լրատվական հարթակի թղթակից Անուշիկ Ավետյանին: Բացի հավաստագրից Անուշիկը ստացավ նաև արծաթե արձանիկ և դրամական պարգև:

Անուշիկի հաղթական ստեղծագործությունը կազմվել է հեղինակի սեփական դիտարկումներից և մտորումներից: Նրա «Ֆլա~ն, ֆստա~ն գերդաստա~ն» նյութը այն մասին է, թե որքան մեծ է հասարակության ազդեցությունը Հայաստանում իգական սեռի ներկայացուցչի աձնական կյանքի կազմակերպման հարցում: Նյութում խոսվում է հասարակության մեջ առկա կարծրատիպերի մասին, որոնք խոչընդոտում են կանանց ակտիվ մասնակցությանը հասարակական կյանքում, ինչպես նաև սեփական որոշումներ կայացնելու հարցում: «Ֆլա~ն, ֆստա~ն գերդաստա~ն» նյութը կարելի է կարդալ այստեղ:

Հինգերորդ հոբելյանական «Նա/Նե»-ն այս տարի ուներ յոթ անվանակարգ: 143 լրագրողի ավելի քան 250 աշխատանք այս տարի մրցել են հեռուստատեսային նյութ, տպագիր հոդված, ռադիոնյութ, առցանց հոդված, հանրային թղթակցություն/բլոգ, ֆոտո ռեպորտաժ, առեւտրային գովազդ անվանակարգերում: Յուրաքանչյուր անվանակարգի առաջին մրցանակի համար սահմանված էր «Նա/Նե» արծաթե արձանիկ եւ դրամական պարգև, 2-րդ և 3-րդ մրցանակի համար` հավաստագիր եւ դրամական պարգև: Կար նաև 11 հատուկ թեմատիկ մրցանակներ, որոնց  հաղթողները արժանացան ևս դրամական մրցանակի:

Մրցույթը նախաձեռնել են Բրիտանական խորհուրդը, Երեւանում Մեծ Բրիտանիայի դեսպանատունը, ԵԱՀԿ երեւանյան գրասենյակը, ՄԱԿ-ի Բնակչության հիմնադրամը եւ «Վորլդ Վիժն Հայաստան» գրասենյակը, «Օքսֆամ» հայաստանյան մասնաճյուղի, Եվրոպական Միության, Հանրային լրագրության ակումբի, Պատերազմի եւ խաղաղության լուսաբանման ինստիտուտի եւ Հայաստանի երիտասարդ կանանց ասոցիացիայի հետ համատեղ:

Նա/Նե հինգերորդ հոբելյանական մրցույթի շրջանակներում կազմակերպիչները այցելուներին առանձին ցուցահանդեսով ներկայացրին հինգ տարիների մրցանակակիր նյութերը:

Մրցույթի մյուս հաղթողների մասին տեղեկությունն այստեղ:

Մրցանակաբաշխության վերաբերյալ լուսանկարներ այստեղ:

Լուսանկարի հեղինակ` Կարեն Դավթյան, Luxuryblog.am

Share
Printer-friendly version
PDF version

Թեմատիկ նյութեր

Մեկնաբանություններ

Մեկնաբանել