The spam filter installed on this site is currently unavailable. Per site policy, we are unable to accept new submissions until that problem is resolved. Please try resubmitting the form in a couple of minutes.
Մեր մասին
Հունվար 5, 2017
էքսկուրս «Լրագրողներ հանուն ապագայի» անցած ուղով
էքսկուրս «Լրագրողներ հանուն ապագայի» անցած ուղով

«Լրագրողներ հանուն ապագայի» հասարակական կազմակերպությունն իր հիմնադրման պահից (2007թ.) ակտիվ գործունեություն է ծավալում հայաստանյան լրագրության, մեդիադաշտի, վիճակագրական տվյալների, հեղինակային իրավունքի, տեղեկատվական տեխնոլոգիաների անվտանգության և այլընտրանքային մեդիակրթության ոլորտներում:

ԼՀԱ-ն իրականացնում է մեդիա ոլորտին առնչվող դասընթացներ, հետազոտական գործունեություն, հրատարակում մասնագիտական գրքեր, համացանցում ստեղծում փորձարարական տեղեկատվական հարթակներ և հանդես գալիս զանազան հասարակական նախաձեռնություններով:

Տեսլականը

Կայուն հաղորդակցման ցանց բոլորի համար: ԼՀԱ-ն հավատում է, որ կայուն և ապահով ապագա հնարավոր է, երբ բոլոր մարդիկ իրար հետ ազատ հաղորդակցվելու հնարավորություն ունենան: Եվ այստեղ է, որ մենք մեր կարողությունների չափով փորձում ենք նպաստել առցանց միջոցներից օգտվողների ավելացմանը և տեղեկատվական գրագիտության ձևավորմանը:

 Առաքելությունը

Կազմակերպությունը խրախուսում է տեղեկատվության բազմազանությունը, այլընտրանքային տեղեկատվության տարածումը, խոսքի ազատ և անկախ արտահայտումը, անկողմնակալ լրատվամիջոցների զարգացումը՝ բարձր պահելով լրագրողի մասնագիտական որակները և հասարակության վստահությունը:

Տարիների ձեռքբերումները

Հետհայացք նետելով գործունեության անցած 11 տարիներին՝ կարող ենք վստահ նշել, որ միշտ հետևել ենք մեր իսկ որդեգրած առաքելությանը, և թե' ինքնակրթության, և թե' վերապատրաստման ծրագրերի արդյունքում ստացած գիտելիքն ու փորձը, տարբեր նախաձեռնությունների միջոցով փոխանցել ենք Հայաստանի մեր գործընկերներին` լրագրողներին, ուսանողներին, դասախոսներին և քաղհասարակության ներկայացուցիչներին: Այս տարիների ընթացքում, փոքր դրամաշնորհների միջոցով, կազմակերպել ենք տասնյակ միջոցառումներ, որոնց մասնակցել են շուրջ 4000 մարդ: ՀԿ-ն ունի նաև փոքրիկ գրադարան՝ հեղինակային գրքերով և ուսումնասիրություններով, որից կարող եք օգտվել այստեղ:

JNews.am կայքի մասին

Շատերը մեր կազմակերպության անունը հիշատակելիս ասում են JNews: Նախապատմությունը նրանում է, որ ԼՀԱ-ի կողմից 2008թ. հիմնադրած JNews.am կայքի միջոցով կազմակերպության անդամները տարիներ շարունակ ներկայացնում էր Հայաստանում և տարածաշրջանում ԶԼՄ-ների, խոսքի ազատությանը, առցանց իրավունքին և գրագիտությանը վերաբերող խնդիրներն ու իրադարձությունները, ինչպես նաև տեղեկացնում մասնագիտական որակավորումը բարձրացնող միջոցառումների մասին: Այն նաև սիրված հարթակ էր ուսանողների համար` անդրանիկ նյութերը «Ուսանողի հայացք» բաժնում հրապարակելու համար: Կայքում առկա մասնագիտական նյութերն ու հետազոտական աշխատանքներն այսօր էլ պահանջարկ են վայելում մասնագիտական շրջանակներում: Այսպիսի շտեմարան հնարավոր է դարձել ստեղծել «Լրագրողներ հանուն ապագայի» աշխատակազմի, գործընկերների և կամավորների անձնուրաց աշխատանքի արդյունքում: Կայքում առկա են նաև այլ լրատվամիջոցների կողմից թողարկված ակտուալ հրապարակումներ՝ ԶԼՄ-ների մասին:

Մրցանակներ

- «Լրագրողներ հանուն ապագայի» հասարակական կազմակերպության արդյունավետ գործունեության վառ ապացույցը հանդիսացել է մի շարք մրցանակների արժանանալը: Մասնավորապես՝ 2012թ. փետրվարին կազմակերպության «Համացանց. հաղորդակցության հավասար հնարավորություն խուլերի համար» ծրագիրը «One World Social Innovation Competition» միջազգային մրցույթում պաշտոնապես ընտրվեց որպես 22 հաջողված ծրագրերից մեկը:

- 2012թ. սեպտեմբերի 28-ին, Ինֆորմացիայի ազատության կենտրոնի կողմից կազմակերպվող «Ոսկե բանալի և ժանգոտ կողպեք» մրցանակաբաշխության ժամանակ, ԼՀԱ-ն ճանաչվեց տեղեկություն ստանալու իրավունքը լավագույնս օգտագործած հասարակական կազմակերպություն: Որպես բաց և լավ աշխատանքի խորհրդանիշ, կազմակերպությանը շնորհվեց «Ոսկե բանալի» և վկայական:

- 2013թ. փետրվարի 12-ին «Նա/Նե» ամենամյա լրագրողական մրցանակաբաշխության ժամանակ, Հանրային թղթակցի անվանակարգում առաջին մրցանակը տրվեց ԼՀԱ-ի թղթակցին:

Վերջին նախաձեռնությունը

«Լրագրողներ հանուն ապագայի» կողմից 2016թ. գործարկվեց նաև Ampop.am կայքը: Սա Հայաստանում առաջին տվյալների լրատվության հարթակն է, ուր բացատրական ժանրում՝ ամփոփ ձևաչափով և մուլտիմեդիա ծրագրերի համադրությամբ, ներկայացվում են ակտուալ և քննարկվող թեմաները: Դրանք վերաբերում են սոցիալ-տնտեսական խնդիրներին, շուկայական տենդենցներին, քաղաքական գործընթացներին, ինչպես նաև առողջապահական, կրթական և այլ ոլորտներին: Ամփոփ մեդիան ունենալով գործունեության մեկ տարվա պատմություն, 2017թ. լրագրողական տարբեր մրցույթներում արժանացավ 4 մրցանակի և բոլորն առաջատար տեղերում: 2017թ. սեպտեմբերին՝ «Թվապատում» ամենամյա մրցույթում, կայքի աշխատանքը ճանաչվեց լավագույնը՝ «Մեդիա 3.0. տեխնոլոգիաների լավագույն կիրառում» անվանակարգում: Մրցանակներ շնորհվել են նաև միգրացիայի, աշխատանքային իրավունքի և թրաֆիքինգի թեմաները լավագույնս լուսաբանելու համար:

ԼՀԱ-ի կազմակերպած այլ նախաձեռնությունների մասին այստեղ:

Հետևեք մեզ

309



 

313



 

 

Share
Printer-friendly version
PDF version

Թեմատիկ նյութեր

Մեկնաբանություններ

Մեկնաբանել