The spam filter installed on this site is currently unavailable. Per site policy, we are unable to accept new submissions until that problem is resolved. Please try resubmitting the form in a couple of minutes.
Մարտ 20, 2017
Փնտրվում է կամավոր
Վերջնաժամկետ՝ 04/07/2017
Տարածաշրջան/պետություն՝ Armenia
Փնտրվում է կամավոր

«Լրագրողներ հանուն ապագայի»(ԼՀԱ) հասարակական կազմակերպությանն անհրաժեշտ է երիտասարդ կամավոր` կազմակերպության նախաձեռնություններում ակտիվ ներգրավվելու նպատակով:

Ո՞վ կարող է դիմել

Մենք փնտրում ենք ակտիվ, նախաձեռնող, անմիջական, շփվող ուսանողի (ցանկալի է բարձր կուրսերի), ով կունենա սոցիալական ցանցերից օգտվելու որոշակի փորձ և հմտություններ, գրագետ կտիրապետի հայերեն և անգլերեն լեզուներին: Իսկ մուլտիմեդիա գործիքներին տիրապետելու հմտությունները կդիտվի որպես առավելություն:

Ի՞նչ կտա կամավորությունը

Եթե դուք ձեր ապագան տեսնում եք լրագրության, հանրային իրազեկվածության և ինովացիոն տեխնոլոգիաների ասպարեզներում, ապա, մեզ հետ համագործակցելով, դուք կստանաք լայն հնարավորություն գործնականում փորձել ձեր կարողությունները` մասնակցելով բազմաթիվ հետաքրքիր միջոցառումների, անձամբ լուսաբանելով և/կամ աջակցելով նման միջոցառումների կազմակերպմանը: Ոլորտի լավագույն մասնագետներից հնարավորություն կունենաք ստանալ խորհրդատվություն, նոր գիտելիք, հմտություն և փորձ: Ձեռք կբերեք բազմաթիվ նոր գործընկերներ և ճանաչված կլինեք տվյալ ոլորտներում: Համոզված եղեք, որ Ձեր կենսագրականում առկա կամավորական գործունեությունը ԼՀԱ-ում իր դրական ազդեցությունը կունենա հետագայում ուսման կամ աշխատանքի տեղավորման հարցում: Կամավորական աշխատանքի ավարտին դուք կստանաք բնութագիր` ԼՀԱ ղեկավարության կողմից:

Որքա՞ն ժամանակ է ծախսելու և ի՞նչ է անելու կամավորը…

Կամավորը պետք է օրական 2-3 ժամ գտնվի կազմակերպությունում` կատարելով ԼՀԱ ղեկավարի հանձնարարությունները, հետևի լրահոսին, օժանդակի միջոցառումների կազմակերպմանը, անհրաժեշտության դեպքում մասնակցի Երևանում կամ դրանից դուրս կազմակերպվող միջոցառումներին: Կամավորական աշխատանքի տևողությունը՝ 3-ից 6 ամիս:

Ինչպե՞ս դիմել…

Ցանկացողները կարող են իրենց կենսագրականը (CV), 200 բառից բաղկացած հիմնավորումը (անգլերեն կամ հայերեն) և, առկայության դեպքում, իրենց պատրաստած մեդիա նյութերի հղումներն ուղարկել info@jnews.am էլ. հասցեին` նամակի անվանում (subject) հատվածում նշելով Volunteer:

Հայտերը ուղարկելու վերջնաժամկետն է` 2017 թ-ի ապրիլի 7-ը:  

Ուշադրություն. Կտեղեկացվեն միայն ընտրված մասնակիցները:

Լավագույն մաղթանքներով՝

«Լրագրողներ հանուն ապագայի» ՀԿ

Share
Printer-friendly version
PDF version

Թեմատիկ նյութեր

Մեկնաբանություններ

Մեկնաբանել